26 лютага ў 11 класе дзяржаўнай установы адукацыі “Міжэвіцкая сярэдняя школа Слонімскага раёна” быў праведзены прафсаюзны занятак на тэму “Праца-правы ці абавязак. Працоўныя правы і абавязкі”.
Старшакласнікі пазнаёміліся з асноўнымі артыкуламі двух нарматыўных дакументаў: Канстытуцыяй Рэспублікі Беларусь і Працоўным кодэксам Рэспублікі Беларусь. Гэтыя нарматыўныя дакументы дапамагалі выпускнікам яскрава усведоміць паняцці “працоўныя правы і абавязкі”. У ходзе занятку юнакі і дзяўчаты, кіруючыся нарматыўнымі актамі Рэспублікі Беларусь, вучыліся вызначаць якасныя характарыстыкі будучай працоўнай дзейнасці, дыскутыравалі на тэму “Праца-права ці абавязак?”.
Адзінаццацікласнкі пазнаеміліся з гісторыяй прафсаюзнага руху ў Беларусі, мэтамі Федэрацыі прафсаюзаў Беларусі, прывілегіямі, якія атрымліваюць члены прафсаюзнай арганізацы і працаўнікі ў той ці іншай галіне вытворчасці.
Акрамя таго, навучэнцы даведаліся аб паняццях “рабочы час”, “час для адпачынку” і іншых.
Хутка выпускнікі пакінуць сцены школы і пачнуць самастойнае жыццё. Упэўнена, як класны кіраўнік 11 класа, што веды, набытыя ў час правядзення прафсаюзнага занятку, будуць карыснымі і спатрэбяцца выпускнікам у жыцці.
